見識何謂靚草地
嚟德國咁耐，最令我留下印象係呢邊嘅球場草地。大至慕尼黑安聯球場，細至荒山野嶺球場仔，草地情況同樣一流，見到都流晒口水。
香港嘅球場冇個好，球員比賽似耕田多過踢波，同人比當然輸九條街。噚日去開法蘭克福主場館，遇到員工鋪草皮。唔係嘛？呢度嘅草皮厚成咁，遠睇成個巨型芝士蛋糕，原來天然靚草地真好似床褥咁，愈厚愈好。
李勇明
曾採訪世界盃、歐洲國家盃、奧運、亞運等大賽，身經百戰。
愛上德國火車站
愈來愈喜歡德國的火車站，他們擁有懂英文的服務員、多元化的麵包檔、應有盡有的人種穿梭其間，就連這張數字密密麻麻的即日火車時間表，也漸漸由最初令人頭痛難頂而變得可愛，而且很有成功感。想知要去的地方在何時、何月台開出，途中要在何站轉車，時間表上全找到答案；而且省卻在服務台排長龍的時間。
徐嘉華
採訪過無數大賽，最鍾意捐窿捐罅搵題材，今次德國之行啱晒我。
與匈牙利記者好有緣
唔知點解，去到邊個城市或者球場，都會撞到呢位來自匈牙利嘅記者，仲要係同一班車，或者喺球場入面前後座位，好有緣。揸咗幾次手後，至知道原來佢係匈牙利幕前演藝人員，呢次係跟一份當地報紙過嚟德國採訪世界盃，唔怪得見親面都覺得佢成個明星咁款。其實自己亦一路覺得佢似一個人，唔記得係明星定球星，硬係醒唔起似邊個！
朱冠恆
肩負現場直擊畀料重任，無論你當我名家抑或明燈，都希望交到功課。
