世界盃打咗個幾星期，每晚都有3場賽事，大街小巷都係熊貓眼嘅球迷橫來直去！但如果係好睇嘅波，都係值得嘅！
首先我想講跌眼鏡嘅3支隊伍。第1隊先講日本，唔使講好多人都好失望，咁佢又踢成點？薛高已經向傳媒交代咗啦！仲有法國，我覺得每個隊員都唔知係守定係攻，又唔係冇攻勢，但硬係踢唔出水準；施丹亦冇乜表現，後來換入都沙夏都係咁！我要睇吓佢第2場對南韓，睇佢到時表現又如何再算吧！第3隊係沙地阿拉伯，上半場都冇乜表現，仲要俾人入一球，但到咗下半場一盡力去踢，就連入兩球後；仲以為佢可以贏，但差唔多完場嘅時候，竟然俾突尼西亞追到平手，吹雞完場，打和！
睇咗咁多場賽事，我覺得踢得出色有好幾隊，包括德國、墨西哥、澳洲、捷克、厄瓜多爾、西班牙同英格蘭。之前我分析每組隊伍，都有出色表現呢。
千里達守和可喜
我覺得最好睇嗰場波，係瑞典對千里達，點解好睇？有波在腳就有緊張鏡頭，仲有千里達守和後嗰種喜悅，令我十分感動啊！最後，我希望巴西今晚有出色嘅表現，輕易得到3分吧！今屆我會支持巴西！
Toby梁靖琪
走出女生宿舍依舊人氣鼎盛，為睇波更不惜捱更抵夜。