鄭少秋早幾日同太太官晶華帶埋囡囡，一家三口去咗食齋，雖然嗰晚天氣極差，但一家人風雨同路，食齋同樣滋味無窮。
戴cap帽遮禿頭
當晚秋官一身牛仔裝，戴cap帽遮禿頭，同妻女及兩位女性朋友去咗銅鑼灣嘅功德林歎上海素食，嗰晚原本不停落雨，但秋官一行人喺十點鐘左右開完餐離場時，天公忽然造美，唔使開遮左閃右避。不過，帶頭行嘅官晶華同囡囡一見記者就相當抗拒，即時低頭大步走，同行嘅兩名女伴更加驚到彈到行人路邊避開。
關仁同秋官打過招呼後，問佢跟住落嚟節目係咪睇世界盃，但秋官對波就似乎興趣麻麻，仲話：「我食完齋，我唔睇波嘅，𠵱家返屋企喇。」秋官見到在場有記者影佢妻女，即時大俠上身，以古裝語氣同記者講：「影夠好收手喇吓。」
Textby關仁
