「踢法保守，表現拘緊。」用呢2句說話去形容法國隊首場分組賽嘅演出，真係貼切不過。亨利打單箭頭加上一條活力不足嘅中場線，面對質素只屬一般嘅瑞士，居然破關乏力，全無優勢可言，相信令唔少球迷腦中立刻浮現出4年前法國隊喺分組賽出局嘅畫面，究竟會否悲劇重現呢？
據報賽後老大哥施丹即同領隊杜明尼治傾過密偈，要求今場對南韓改踢4-4-2，前線復用查斯古特搭亨利，希望可以改善攻力。大哥出到聲，領隊亦相當受落，今場應會變陣出擊，但效果點樣？似乎唔可以太高估，皆因南韓上場對多哥反敗為勝，贏得本土以外第一場世盃決賽周勝仗，士氣定必大振。
以金南一凍結施丹
論實力，南韓未必在瑞士之下，加上相對上屆陣容更為成熟，活力經驗俱備。首場後備上陣嘅金南一預計今場會踢正選，並負責全場凍結施丹，以金南一嘅年齡加上經驗，四年前一場友賽對法國已經令施丹印象深刻，今場極有可能令法國隊中場創造力再一步減弱，要摸和對手唔難。
強尼
有線球彩台《06世界BAR》主持
今日播映時間:7:00pm-5:30am
PHONE波熱線：1831678