關心妍手鏈頌德
「呢排我都幾鍾意呢個牌子嘅嘢，所以都儲咗五、六條鏈，都係喺網上買。其實佢哋出嘅鏈，每條都有一個主題，個設計師好鍾意中國文化，所以我呢條鏈就係講Pathoftheheart，仲有個『德』字。雖然個款好簡單，但佢用咗珍珠、陶瓷整嘅，加上呢條鏈係人手整，訂咗之後要等半年先攞到。」
鄭希怡貪大夠搶
「我平時好鍾意周圍買飾物，特別係大大件嗰啲，覺得好搶眼，就算着咗簡單啲嘅衫，戴啲大件嘅飾物，成個感覺就會唔同晒。尤其係去到外國，我就好鍾意去吓地攤睇嘢，嗰啲地方有好多得意嘅飾物，而且又唔會咁易同其他藝人撞款。好似呢條鏈，就覺得幾型，所以即刻買咗佢。」
活己嵐鐵人上身
「我以前細個係好鍾意玩Barbie，不過愈大就愈鍾意機械人，我都買咗好多同機械人有關嘅嘢，之前我都有去過揀有關於機械人嘅得意嘢，呢條鏈就係一個fans送畀我嘅，佢知道我鍾意機械人，所以買畀我，我好鍾意，所以最近成日戴。」
王菀之浪漫結晶
「呢條頸鏈係一個男性朋友送畀我嘅聖誕禮物，因為佢對我係一個重要嘅人，所以我日日都會戴住佢，而且條鏈係我喺一個好浪漫嘅情況之下收嘅，自然就更加有紀念價值。呢期就掀起簡樸熱，所以就戴啲細件飾物，有時甚至會唔戴。」
採訪、攝影：王連連、楊潔雯、仇志德、駱華齡
