我與足球發生關係始於少年時，3歲的我已天才橫溢，具助攻助守、能傳擅射足球天份，踢法有點似馬勒當拿加朗拿度、加朗拿甸奴、加中田英壽。
中三時，同學要我陪佢參加青少年足球訓練班，分隊賽時瀟灑的我射入一記世界波，助教黃照保大驚之下，叫我別再踢足總青年軍，邀請我加入以腳法見稱的東昇青年軍。之後我以學業為重，暫別足球，球壇頓然黯然失色，再不見如胡國雄般的一代球星。
每屆都有新星上位
時至今日，我依然是明星足球隊中唯一的巴西裔球員。球王比利來港，聽聞我好波，亦親筆為我寫上祝福，並好想拜我為師。所以我每1屆世盃也無可選擇地一定支持我老家——巴西隊。
因為只有巴西，先至擁有我唔識嘅嘢。巴西每屆都以大熱姿態從未間斷進入決賽周；只要佢哋肯踢，就好似大人同細路仔猜波仔一樣。
還記得蘇古迪斯、丹尼臣、伊度、李華度、鄧加、李維連奴、羅馬里奧、祖利亞、李安納度、朗拿度、朗拿甸奴……每屆都有新星上位，每屆有新招有驚喜，森巴足球，簡直好似我一樣超晒班。
林敏驄
林敏驄，天才橫溢，曾效力東昇青年軍，致力提倡瀟灑足球。