謝天華、劉心悠同謝安琪噚日喺德福廣場出席一個父親節加足球做主題嘅活動。問謝天華幾時會做爹哋，佢話：「出年係豬年，唔知我老婆想唔想生豬仔豬女喎，如果𠵱家搞，應該會生個豬頭，遲啲搞就生個豬尾。」天華又話做完身體檢查先計劃生仔，佢話：「我細佬係醫生，佢攞咗個吉樽畀我，叫我將啲嘢（指精子）放落去後，要二十分鐘內攞去診所，咁都幾麻煩。」
