胡杏兒為咗拍攝新劇《肥田囍事》而刻意增肥35磅，前晚佢同許志安拍外景時，安仔一見杏兒咁好肉地，竟然當佢好似人肉咕𠱸咁墊腳，難得杏兒唔嬲不特止，重任得安仔將對腳放喺自己大髀度，唔通佢真係肥到冇晒知覺！ 聽安仔講，遲啲佢會拍攝一場游水嘅戲份，關仁問佢會唔會着番之前俾人影過嗰條白色泳褲時，安仔話自己肥咗好多，都係着黑色好啲！