前香港劍擊代表何嘉麗表示，自己捱夜睇波經驗不多，但捱夜睇波要醒一醒神，她就有妙計獻給球迷：睇夜波一定要打醒十二分精神，一旦投入睡魔「懷抱」，喊也徒然。雖然各大球迷慣常用飲咖啡及啤酒方法提神，但倡議健康生活的何嘉麗則不太建議：「始終咖啡含有咖啡因，對身體不太好，球迷最好少飲為妙；啤酒更不用說，飲酒始終對身體無益。」
約三五知己最醒神
所以何嘉麗建議大家，如果一定要捱夜睇波的話，就最好約同三五知己。她說：「自己一個人睇波只會愈睇愈眼瞓，繼而瞓着覺；但約埋一班朋友的話，一邊睇一邊傾偈，可以無咁悶之餘，又可以醒一醒神，都係一個良方。」
早幾年政府提倡「彈性上班時間」，原來睇波都有「彈性睡覺時間」。何嘉麗建議各球迷採取這方法，減輕捱夜對大家的精神影響：「捱夜無得瞓，事前瞓覺又擔心唔知醒，較好方法是分段睡眠；睇完波後趁上班搭車時，小睡15分鐘至半小時，又或者午餐後休息，都可達至回復精神的功效。」食物方面，除例牌的粉葛赤小豆鯪魚湯外，簡單的西瓜汁也可達到清熱去火功效。
何嘉麗小資料
現職：教師
部份威水史：
－02年南韓釜山亞運女子團體重劍銅牌
－97、99年亞錦賽女子重劍個人銀牌
－94年英聯邦運動會女子重劍個人亞軍