女藝人都以身材豐滿而自豪，但薛凱琪並不想隨波逐流，近日有雜誌指她看中醫豐胸，她前晚先後到紅磡及數碼港出席活動，甫見記者即直言要呼冤，聲稱自己看中醫為調理身體，絕不是豐胸。
拒戴神奇胸圍
薛凱琪說：「我好滿意父母賜畀我嘅嘢，否則唔會攞自己條長頸出嚟講笑，點會喺鬧市飲中藥會隆到胸，摸手摸頸就隆到胸？我最驚啲fans信咗，亂咁去豐胸。」
薛凱琪謂不會接拍豐胸廣告，連神奇胸圍也不會戴，她說：「我接受唔到突然變大，𠵱家OK呀，細有細好，唔代表唔靚。」
薛凱琪昨日又在旺角出席護膚品活動，與現場觀眾玩遊戲及分享護膚心得。今天父親節，薛凱琪要返內地工作，她說：「我哋會一家人去食飯，我應該趕得切返嚟嘅，仲準備送個袋同護膚品畀爸爸。其實佢同媽咪都好貪靚，爸爸仲成日同我交換護膚品用。」
採訪、攝影：胡比、李珮洳