日本上場對住澳洲喺領先1球嘅情況之下，竟然被澳洲連追3球反勝，教練薛高喺人腳調動方面，應該負上全部責任。
相反澳洲教練軒迪克明知落後一球，立即採取調動，後備入替嘅卡希爾同艾萊斯包辦3個入球，最終得以反敗為勝。
克軍反擊效率高
日本呢班波經常後勁不繼，之前友誼賽作客德國喺領先兩球嘅情況下都被追和，今仗如果唔能夠克服呢個缺點，相當危險。
雖然克羅地亞上場輸畀巴西，不過佢地嘅穩守踢法同反擊都算唔錯，輸畀5屆世界盃冠軍巴西，都冇說話好講，今場對住後勁不繼嘅日本，絕對捧得過，一於捧主客和嘅客勝。
另一場推介係巴西對澳洲。巴西上場對住刻意死守嘅克羅地亞，幾經辛苦之下仍然能夠攻入一球，起碼保住個主客和嘅主勝，今場對住後防冇克羅地亞咁穩陣嘅澳洲，只要發揮出應有嘅水準，贏波絕對唔難。
巴西可淨勝2球
澳洲有神奇教練軒迪克領軍，對日本仲頂得住，不過面對巴西就唔同講法，澳洲最弱就係後防線，相反巴西最強就係攻力，睇過兩隊嘅表現，都係信有攻力嘅巴西，一於博巴西淨勝2球，揀「讓球主客和」嘅「主勝」。
陳樹鵬（阿鵬）
有線球彩台主持
電郵：[email protected]