梁詠琪為慈善犧牲色相

梁詠琪（GiGi）一直都好支持公益活動，今年係佢第五屆連任仁濟慈善大使，為咗籌得更多善款，GiGi噚日喺銅鑼灣出席委任儀式時就親自拎住籌款箱向現場圍觀市民兜售獎券，現場人有一名男fans表現熱情，一見GiGi就行近一手搭住對方膊頭影合照，事後GiGi話為咗做善事一啲都唔介意。

尊重伊健翻啅

對於近日有指鄭伊健與舊愛邵美琪（Maggie）復合，GiGi話自己都有聽同事講過呢件事，問到GiGi係咪同伊健有任何決定都會支持對方，佢就笑笑口話雖然同伊健分開咗，但仲係朋友，只要係佢嘅朋友都會送上祝福同尊重對方嘅決定。關仁都三番四次問GiGi信唔信復合傳聞，但佢都話唔發表意見，只係叫大家問番當事人。