今日父親節，雖然大部份藝人均工作纏身，未必可以整天做孝順仔女陪伴父親，但他們都非常有心，預早陪父親歎茶shopping，劉德華更老吾老以及人之老，念及其他長者，到老人院探望一班耆英，替他們剪頭髮。其中張家輝因自小被父親拋棄，故已多年沒慶祝父親節，不過今年他與關詠荷的寶貝女出世後，家輝的父親節終於變得有意義。 撰文：陳月媚、王連連、比華利、馬建華
張家輝有十多個年頭沒慶祝父親節，因當年張父拋妻棄子，留下家輝母親獨力撫養幾個孩子，所以家輝對父親節完全沒溫馨的感覺，有的只是不快回憶。
在家安靜度過
但今年情況不同了，家輝與關詠荷的愛情結晶出世後，為他們一家帶來不少歡樂，成為父親的家輝對這個節日已有新看法。
家輝的女兒Brittany已經四個月大，長得精靈可愛，樣子較像母親關詠荷，兩夫妻視女兒如掌上明珠，今日父親節，他們一家三口會在家中靜靜度過。家輝說：「我一向對父親節都冇乜感覺，因為由我好細個開始，爸爸已經唔喺身邊，直到我入娛樂圈成咗名，忽然之間好耐唔見嘅爸爸竟然又出現，但佢已經係人哋嘅老公同爸爸啦，所以我同佢根本冇乜嘢可以再講。」
決心做好爸爸
今年囡囡Brittany出世，家輝決心做一個有責任心的父親，他說：「我自己有個唔開心嘅少年期，所以自己做咗爸爸，梗係覺得要好好養育子女，要令個女開開心心咁成長啦！𠵱家抱住個女，見佢啲手手腳腳又白又肥，真係好鬼可愛，遇到乜嘢𤷪𤺧事都好，一見佢就乜事都冇！」
