今晚日本及克羅地亞將於紐倫堡的法蘭甘球場，合演F組這場次輪生死大戰，假如其中一方輸波收場，幾可肯定宣布提早出局，故預期雙方會踢得較為進取；況且，今屆世盃「頭場」除旺強隊W外，亦連帶經常開入球「大」，加上克羅地亞歷屆世盃常開「單」，今鋪仲唔係「大單嘢」？畢傑
截至上周五為上，今屆世盃「頭場」仍然保持一個「優良傳統」，就是開鑼至今熱門隊全部順利開出單W，當中包括前日的阿根廷以6:0大數塞黑。今晚投注策略除了可以繼續吼賠率較熱的克羅地亞勝出外，2.1倍的入球「大」亦絕對是值得兼顧。
揭幕戰至今8場「頭場」中（未計上周六葡萄牙對伊朗一仗），除旺強隊W之外，開出6「大」2「細」（見附表1）；最近更連續5場開「大」，既然旺開有條路不宜拗頸，預期日本及克軍會全力搶攻以取3分為目標，雙方戰意鮮明下，不難開出總入球3球或以上。
克軍開「單」比率逾9成
另外，克羅地亞歷屆共參加過3次世盃（包括今屆在內），連同今屆分組首戰負巴西0:1一仗，他們總共踢了11場比賽，竟從未和波，成績為6勝5負。
既然克羅地亞和波比率是0%，開「雙」機會大大減低。克羅地亞暫時比賽了的11場世盃比賽中，9仗是1球上落，其中並一共開出10「單」1「雙」，開「單」比率高逾9成（見附表2）。信往績及數據的球迷，今場2.1倍「大」為重心之餘，1.9倍「單」亦可一試。
此外，從兩軍首戰表現分析，克羅地亞球員狀態似乎比日本好，其中其前鋒柏素上場對巴西發揮到牽制作用，故克軍的射門次數其實不少。反觀日本上場對澳洲下半段開始體力下降，防守又不穩，就算今場「讓球」受讓克軍半/一都要唔過，捧克羅地亞上盤為大前提。
日本及克羅地亞曾於98年世盃在分組賽碰頭，當時剛巧又是次輪賽事，最後克羅地亞憑前鋒蘇加的入球勝日本1:0，日本亦同於該場比賽後宣布提早出局。假如真是「咁啱得咁蹺」的話，今晚可再捧克羅地亞上盤，另補2注「大」「單」，隨時收足三瓣錢。