有「蝦佛酸咪咪」之稱嘅名媛，自從同男友甩拖後，就好鍾意蒲吧，除咗蒲通宵外，仲次次換唔同男伴。因為佢去親蒲都着到好性感，自然成為場內嘅焦點，佢爛玩又爛飲，最鍾意飲到爛醉如泥咁搭的士返屋企。關仁有一次蒲吧撞見佢，當時有個女仔只不過唔覺意睥咗佢一眼，佢就即刻用粗口鬧人，鬧到人狗血淋頭，聽佢講粗口嘅流利程度，睇嚟應該成日講，訓練有素。