九龍香格里拉噚晚搞咗個傑出父親表揚大會，一方面預祝父親節，一方面慶祝酒店投入服務25周年。七位服務社會同愛護家庭嘅模範父親包括有白鴿黨嘅狄志遠，作為兩子之父，狄志遠好重視同兒子嘅溝通，仲寫書啟發啲父母，應該點樣建立健康和洽嘅親子關係。
另一個獲表揚嘅係再生勇士葉桂榮，佢自小患上小兒麻痹症，但係冇諗過放棄生命，仲不斷奮鬥增值求存，成為兒子嘅好榜樣。
其他傑出父親仲有藝人廖啟智，佢全心全意照顧患上血癌嘅幼子，熱誠令佢所有朋友都為之感動。馬安達同黃兆祺呢兩位爸爸，都同樣付出無比愛心照顧患咗罕有遺傳病同患上自閉症嘅兒子。另外，余枝勝醫生就致力於老人癡呆問題，教孩子要關懷身邊嘅人；鮮魚行校長梁紀昌就唔使多講，肯為新移民服務。
傳真︰2623-9278
電郵︰[email protected]