好多人會覺得花錢買鎖匙扣好無謂，尤其係名牌出品，不過我就唔多同意。名牌出品的手袋同衫褲鞋的價錢都幾高（而且愈Mark愈高㖭！）並唔係我哋普通打工仔可以話買就買，我當然明白高級品牌要以天價顯示不凡，而且品牌本身的歷史亦都值番咁上下，不過佢哋都是生意人，睇準我哋呢班冇錢但又貪慕虛榮的子民，推出價錢比較大眾化的Accessories就可以填埋呢個市場啦，而鎖匙扣正係入市首選，小記正是這類產品的支持者。近期最後悔就係冇買到Prada的黑色人形匙扣，想買之時，心愛款式已斷市，雖然一系列黑色字母都幾吸引，不過Size太細，唔想冇橙搵個柑！呢幾日終於俾我搵到個靚柑補數，佢唔係Prada出品，而係agnesb，佢唔係人形，而係動物形，而最重要係：佢係彩色的。