世界盃未打，「大力神」就話英國足總籌備緊贏咗世界盃會慶祝1個月，頭場打得唔好，奧雲嘅回應係「我會係決賽周神射手」，咪再笑中國人小農社會喇，喺英格蘭，個個同老董都何其相似？—未打波吹到識飛，輸波就賴地硬。香港太多英倫孽子，「畸寶」評述猛話「呢隊係40年來最強的英格蘭」，結果打成點？美國人唔睇波可以專心睇戲，28號上畫嘅紀錄片《Whokilledelectriccars》已惹起熱烈討論。21世紀能源是大課題，美國人每天消耗全球43%汽油，電力車無污染無噪音、叉一次用足幾日，通用EV194年一登場時速即可達183哩，點解通用會喺購買Hummer1個月後就宣布放棄發展電力車？導演以陰謀論，描寫大集團、政府、車廠連成一線，把電力車送到墳墓去，以石油賺取暴利。你同我一樣係UFO迷陰謀論者？上官方網睇多啲。
http://www.sonyclassics.com/whokilledtheelectriccar/