內地女星范冰冰之前成日俾人話整容，當然佢否認過好多次，為咗證明自己冇整容，日前佢喺父母同經理人公司陪同下到北京中日友好醫院整形外科，申請做面部全面檢查，由整形科主任判定佢有冇整過容，最終經過近兩個鐘嘅檢查確認後，鑑定佢塊面冇手術痕迹。以後有人再問佢係咪整過容時，范冰冰咪可以理直氣壯攞證據出嚟否認囉。