對於已經做咗人哋爸爸，或者即將做爸爸，甚至冇諗過做爸爸嘅人嚟講，父親節嘅意義，可能只係飲餐茶、收份禮物，同屋企人出街慶祝可能仲要自己出埋錢。
不過，對於一班新到港人士家庭，做阿爸嘅，搵工可能已經唔易，如果老婆仲未落得香港，父兼母職就真係忙到癲，如果可以趁節日輕鬆吓，紓緩吓情緒，亦可以促進同仔女間嘅溝通。問題係點樣先可以做到呢一步呢？地產代理幫到你。
基督教勵行會同香港置業嘅置善會，聯合舉辦咗個「置」善童心父親節卡繪畫比賽，已選出得獎作品，今日會有頒獎禮，得獎嘅小朋友，仲可以同老竇一齊擦番餐，預祝父親節。
原來今時今日嘅地產代理，除咗要專業，仲要識得關心社會。