吳嘉龍和AnaR.前晚在蘭桂坊一香檳派對中行騷，他們比起同場穿上比堅尼的外籍模特兒，明顯惜肉如金。吳嘉龍解釋因為不想大家覺得他似花花公子，所以收起性感，在旁的AnaR.即踢爆他說：「佢的確係鍾意間唔中搭住啲女仔膊頭傾偈。」
吳嘉龍和AnaR.前晚往蘭桂坊CClub出席一無酒精香檳品牌Sinvino派對，並為本地時裝品牌Spy行騷。平時不介意袒胸露臂的吳嘉龍和AnaR.，前晚都算收起性感，比起同場穿上比堅尼的外籍模特兒密實得多。
不再性感
對於忽然密實，吳嘉龍說：「因為我成日畀人感覺我係playboy，𠵱家我nomoresexy啦，要serious啲，而且我入行咁耐都真係冇女友㗎。」問在旁的AnaR.覺不覺得吳嘉龍像花花公子？她說：「咁又唔覺，不過佢的而且確係間唔中口花花、又鍾意搭住啲女仔膊頭傾偈。」
乖女落吧
再問AnaR.，她的男友周立璟又是否花花公子？她即說：「絕對唔係，佢唔會口花花，我哋𠵱家感情好好、好開心。」至於早前周立璟與模特兒上酒店房一事，AnaR.則說:「上次件事仲未證實，不過我從來唔會因為感情傷害而做傷害自己嘅事。」
另外，年僅13歲的馬詩慧女兒王曼喜前晚先獨自一人出現CClub，其後馬詩慧才趕到。問馬詩慧為何放心女兒一個人到酒吧？她說：「哦，佢啱啱學完跳舞所以嚟先，平時佢好乖，唔會亂咁出街，我平時都唔會畀佢嚟呢啲地方，出街都會叫佢扣多粒鈕。」
採訪：吳天慧 攝影：陳偉權
