拔萃男書院附屬小學嘅一班學生仔，噚日喺學校草地上咗好寶貴嘅一課，保護遺棄動物協會應邀到臨，教佢哋尊重動物生命，唔少小朋友都由家長帶埋家中嘅狗仔成員嚟聽教，十足寵物派對咁。
帶嚟嘅十幾隻名種狗，有金毛尋回犬、玩具貴婦狗、斑點狗、西施……新小拔不愧係貴族學校，難怪協會嘅負責人都話，「我哋嘅狗98%都係唐狗，喺呢度見唔到。」問到啲小朋友平時有冇帶狗仔去街街，幾位小朋友都異口同聲話，屋企好大，唔使出街。家長就話，養狗可以培養子女責任感。八方都希望經過呢一日，無論名種狗又好，唐狗又好，小朋友都要好好愛護呀！
傳真︰2623-9278
電郵︰[email protected]