41歲的亞女，15年前一次車禍後膝部受損，此後行動不便；更禍不單行的是，兩年前她又患上子宮頸癌，加上丈夫及女兒均患病，種種打擊，令亞女難以承受，曾想過自殺，早前更被證實患上精神病。
亞女是順德人，16年前在廣州遇上交通意外，左膝蓋碎裂，曾入院做手術，醫生在其左膝安裝一個不銹鋼骨架。九年前亞女移居香港後，感到左膝十分痛楚，往醫院檢查，發現骨架移位，醫生更一度建議將其左腳切去。最後醫生決定為她動手術，用她身體內兩條骨取代有問題骨架，最終她雖保住左腳，惟自此之後，她的左膝便不能再屈曲。
「嗰時以為呢個已經係好大打擊，行動唔方便，重要人照顧，又做唔到嘢；兩年前仲生埋子宮頸癌，曾經返上去大陸醫，但係使咗好多錢都唔好，後來返香港，終於要做手術割咗子宮，之後重要做化療同電療，真係好辛苦。」
周身債欠租兩月
亞女稱：因她不能工作，一家開銷只靠丈夫當的士司機維持，但丈夫收入不多，她又要花錢在大陸醫病，令家中經濟更加緊絀，不時要向親戚朋友借錢。另一方面丈夫既要工作，又要照顧她，實在心力交瘁，他亦患上血壓高和皮膚病，其１８歲女兒早前亦因腸病經常進出醫院。
「我真係好唔開心，日日以淚洗面，成日想自殺，醫生話我有精神病，要食藥睇醫生。」亞女不禁嗚咽說。
「我哋𠵱家欠人周身債，一家三口住間要用公家廁所嘅套房，啲租已經兩個月畀唔到，真係好徬徨，最近洗衣機仲壞埋，我隻腳屈唔到，根本唔可以喺咁窄嘅廁所洗衫，都唔知點算。」
在迫不得已情況下，亞女日前致電蘋果日報慈善基金求助。蘋果基金得悉亞女困境後，即時撥款7,000元助她繳付欠租及購買洗衣機。
捐款編號：C2065
蘋果投訴熱線：29290000
社會服務熱線：29908288
傳真：23702192
電郵：[email protected]