出街食飯，總有人問我呢隊點睇、嗰隊點睇。可能是我們早前主持的「頂級世界盃越唱越強」收視不錯吧！又或者是我同正牌阿叔林尚義同伍晃榮嗰兩條「巴士阿叔」宣傳片深入民心，後者無綫電視宣傳部度橋組同埋導演居功至偉；靈機一「捉」、福至心靈，「快樂足球無壓力」，世界盃，應在無綫！收視證明一切。
免成焦點增變數
又有人問我，巴西只贏1:0，係悶戰定係屎波？朗拿度係咪無料到？對睇波初哥，又或者無閱讀球賽能力者，我有責任向他們說明一二。
巴西者，火力強大；上屆長勝捧盃，一般球隊開賽都採守勢，而巴西躉如我只須耐心等待攻入第1球後，後果只有兩個：1大數對手；2小勝。因為數據顯示，巴西先入波絕少輸波；大勝小勝一樣可以入決賽，巴西小勝過關仍是熱門，大數對手則過熱，鋒芒太露，增加唔少變數。
98年決賽，若巴西勝法國奪冠，相信所有莊家走佬都唔掂！至會引起後來咁多猜測，前晚西班牙夠大勝4:0，唔通你信佢會拎冠軍？巴西每屆都有新星上位，上屆是笠死施文的朗拿甸奴，今屆會是卡卡及羅賓奴，經過世盃洗禮，必定大熟大勇。
林敏驄
林敏驄，天才橫溢，曾效力東昇青年軍，致力提倡瀟灑足球。