以下是今屆世界盃暫時令本人驚喜之處：
「驚」──意大利對加納，意隊竟然多次被對手反擊，險象環生；荷蘭對塞黑，橙軍竟然憑洛賓一人之力奠勝。兩隊皆為傳統足球強國，意大利素以穩守突擊橫行世界球壇，如今卻排出4-3-3陣式；荷蘭則以全能足球揚名，現在竟變成一人球隊。冇睇開波嘅球迷，分分鐘會以為塞黑先係踢「全能足球」，加納至係踢穩守突擊㖭。幾支球隊戰術打到亂晒龍，你都咪話唔驚。
「喜」──今年的足球氣氛真係比以往強烈。睇到有球迷7點幾就去到商場等到凌晨零時開波，你話瘋狂又好，始終睇波大過天，有咁嘅熱誠真係令人肅然起敬。話晒4年一度，大家不甚了了，大把業餘球迷都可扮吓專家傾吓波經。
EricChan