7月1日係香港回歸九周年嘅大日子，雖然特區政府話咗唔會大事慶祝，但係親政府團體搞嘅酒會由噚日開始就會無日無之。人大常委曾憲梓噚晚出席香港新界工商業總會嘅酒會時，被八方同行問到現時社會和諧，應唔應該繼續舉辦7．1遊行，佢話香港係自由同多元化社會，持贊成或反對意見都可以，市民想參加遊行就參加，人數多少都冇問題。
咦，曾常委答得好得體喎，既唔勞氣，又冇鬧人，莫非煲呔一早向班老左單咗一聲，叫大家睇住佢台戲，唔好臨近7．1鬧人，同佢倒米？
新界人搞酒會，梗係唔少得發叔，至於逢請必到嘅前任律政司司長梁愛詩，由於榮升做基本法委員會副主任，所以又係坐貴賓席。由97年起，佢阿姐從冇離開過政治舞台，真係唔恨得咁多。
傳真︰2623-9278
電郵︰[email protected]