【本報訊】變靚Ｄ纖體美容有限公司被衞生署追查向客人處方疑是未經註冊藥物「Satamin」後，該集團主席梁蕭若慈及宣傳總監蕭定一，昨日仍然聲稱藥物全由該公司聘用的醫生向藥廠落單訂購，「絕對唔係公司嘅責任」。蕭定一更反問記者「我哋點解唔係受害者？」但醫學會會長蔡堅質疑「醫生冇可能訂到咁大批藥物」，認為衞生署應深入調查。
變靚D昨公布06年度第二期業績，梁蕭若慈回應向顧客提供未經註冊藥物的問題時稱，事件屬藥廠的問題，「藥廠係商業機構，咁我哋就冇懷疑」。在記者多番追問下，她未有交代何時開始給顧客提供Satamin，至今有多少顧客曾服用，「我做呢間公司三年，同超過咗一萬個人減肥，冇出現過嚴重事件。」
被問及變靚D的責任時，蕭定一表示，藥物全由該公司聘用的醫生向藥廠落單購買，「咁醫生有專業資格嘛，（等於）請個律師，個律師犯法，係咪個僱主嘅問題呢？梗係個律師有問題啦！」他稱藥廠售賣水貨藥給醫生，「我唔係專業人士，我點知呀，等於我搵個買手去買DVD機，原來係冒牌嘅，呢個絕對唔係我公司嘅責任」。他還反問記者：「我哋點解唔係受害者呢，你解釋畀我聽吓？」
醫生：衞生署應深入調查
對於顧客阿君向本報投訴，服用該公司提供的藥物後出現心悸、手震等副作用，梁蕭若慈即向在場記者展示阿君的三張醫生紙，朗讀出其病歷只包括感冒、心跳及子宮發炎，「佢話有心跳嗰次呢，已經冇食藥十幾日，大家都應該知道一般嘅西藥係有啲副作用嘅」。她稱每次給顧客處方藥物，都有醫生在場。但多名投訴人均向本報表示，不是每次派藥都有醫生在場。
對於有顧客獲醫生處方貼上名為Triacin的外用皮膚藥作內服，梁蕭若慈先堅稱有關藥物非外用皮膚科藥物，但又說她「唔係醫生」，未能交代這是甚麼藥物。蕭定一後來說，有關藥袋並非由變靚D公司印製。投訴人阿君曾向本報稱，變靚Ｄ公司的醫生處方該藥物時，轉用了沒公司字樣的藥袋。
對於變靚Ｄ高層將提供非註冊藥物的責任全推給醫生，醫學會會長蔡堅質疑「醫生邊有可能搵到藥廠買咁大批水貨藥」，他認為衞生署應深入調查藥物來源。他又認為，變靚Ｄ公司高層有責任了解藥物來源，「咁大間公司，畀乜嘢藥人，冇可能自己都唔知」。