噚日霍金喺科大講「宇宙的起源」，吸引咗城中唔少政界中人慕名而去，好似白鴿黨嘅何俊仁同埋高達都專程去走一趟。
阿仁話，十幾年前睇過霍金嘅著作，但係唔多明，不過佢好欣賞霍金嘅生存意志，所以要去一睹風采。你唔好話香港人冇水平，有好嘢自然有人聽。
眾人媽打李麗娟無官一身輕，佢話搵到人睇住由加拿大回港定居嘅老媽子，於是可以嚟聽吓talk，佢仲同記者講，當年八仙嶺燒傷嘅張潤衡𠵱家已經拍緊拖，媽打未見過佢位女朋友仔，但係知道張潤衡準備寫一本愛情小說，叫做《迴轉木馬的約會》，呢本已經係潤衡第二本著作，真係值得一看。八方聽到衡仔拍拖呢個消息都好戥佢開心！
傳真︰2623-9278
電郵︰[email protected]