It'sPossible　美有可能：工人褲＋髻　Young

It'sPossible　美有可能：工人褲＋髻　Young

提起吊帶工人褲，腦海即時浮現出張學友嘅「偷閒加油站」那儍乎乎造型，只想起自己豆釘時期曾經着過下，長大後一直與之絕緣。經過一眾潮星接二連三地力撐工人褲後，先知原來廿幾歲人仲玩得起呢條褲，只需記熟以下的配襯Tips，想營造BoyishStyle或增添少女味也易如反掌！

記者：盧家蕙　攝影：林栢鈞
Model：Phoebe（FromQuinmodels）
MakeupArtist：Double（FromBobbiBrown）
HairStylist：Kinki@Maevon　服飾提供：AllFromi.t

有辦你睇

■Twins加撐吊帶裝，手臂肥美者，可學阿嬌穿上有袖tee，阿Sa的恤衫有領背心也充滿型格。

■身材瘦削的Niki也穿上工人褲，髮髻夠清爽。

■Joey以黑top襯白吊脅短褲，黑白對比夠晒搶眼。

吊帶裝點襯法？

女仔之家要carry中性feel嘅工人褲，除了淡掃蛾眉，紮埋辮仔、梳吓髮髻呢啲步驟唔少得，咪以為戴頂Cap帽襯對波鞋就perfect，到時俾人誤會似車房仔就該煨喇！由於今季的少女工人褲顏色愈出愈多，質料上也各有不同，所以先教大家化番個百搭淡妝，包你着邊款工人褲都襯得掂！

啡色眼影最穩陣

BobbiBrown的化妝師Double說：「黑白當道之下，炎夏必襯感覺自然的妝容，以雙眼作全妝的重點，胭脂、嘴唇可淺色點，感覺比較Nude。」揀眼影時，首選棕色，貪佢夠晒四平八穩，人人都夾得來。紅橙黃綠就比較搶眼，配襯不當下，感覺只會花喱花碌、亂七八糟。

Step

1.如果眼蓋膚色不均，可先以米色眼影打底，之後以ShimmerBrick中的古銅棕色塗抹整個眼窩。

2.以米色眼影掃於眼頭位置，增強雙眼立體感。

3.畫上黑色眼線，不妨粗身一點，再掃上黑色睫毛液，眼睛即時顯得亮大。

4.先使用BronzingPowder掃於顴骨位，可修飾扁平面的輪廓，其後再打圈掃上淡淡的粉紅色胭脂，最後塗上半透明的肉色lipgloss，完妝。

Tips：

雖然話眼睛先係重頭戲，但一定要化晒全妝，Nude唔代表可以偷工減料，如果只化雙眼，好易被人誤認作黑眼圈，整個妝容唔完整、唔平衡，感覺更是古怪。

AllFromBobbiBrown（22658928）

a.ShimmerBrick#Browny$300

b.Mascara#Black$160

c.PalePink#9$180

d.Lipgloss#SandSugar$160

e.EyelineGel#15$160

f.BronzingPowder$240光影掃$270

梳髻夠青春

化好妝，襯好衫，當然要set番靚個頭，今年流行wavystyle，不論是Boyishstyle髮髻或少女味濃的鬈髮也可令你青春勃發！

清爽小髮髻
Steps

1.把頭髮分成上下2部份，於耳際上方的頭髮再分成2部份。

2.扭作辮子後，再屈曲成小髮髻，以髮夾固定。

3.以相同方式把另一部份扭成髮髻，耳際下方的頭髮直接梳成一條辮子，髮尾隨意地散開，再噴上hairspray便可。

鬈髮扭辮子
Steps

1.先把頭髮分成中間界，以捲髮器燙鬈頭髮。

2.由左邊開始扭辮子，執起頭頂上鬈髮，平均分成2部份，分別扭成辮子。

3.扭至末端，直接平放，用髮夾固定。再以相同的扭曲方式完成右手邊，噴上hairspray後即成。

露腿+貼身

工人褲唔一定係牛仔布，亦唔一定係藍色，最近愈出愈多不同質地、顏色的吊帶工人裙，相對起來較為女性化，配襯起來也有不同的技巧。

■少女味十足的米色麻質吊帶裙，屬工人褲的變奏版。質地輕爽舒適，上身可襯貼身橫間tee，中間白色花邊及一雙圓頭鞋，整個totallook更清新可人。

■小圓頭高踭鞋是必襯item，尖頭黑皮鞋或短boots感覺太man，錯晒！

■船踭鞋係今年潮物，襯工人褲正好增添可愛感。

Tips：

1.揀膝蓋以上或及膝的吊帶裝，露多點修長美腿。
2.上身可選圓領tee或有領背心，最緊要係夠貼身，不宜襯上吊帶背心，太多吊帶反而會累贅。
3.船踭鞋或小圓頭高踭鞋就最能突顯少女味，想casual一點，高筒的布鞋或波鞋也是不錯選擇，收身剪裁夠貼腳形，Converse鞋辦之一。