我問你，要49個人一齊水陸同遊究竟有咩辦法，畀5秒時間你諗……好，夠鐘！答案係鐵人賽？答錯！正確答案係C.A.M.I.HydraTerra水上巴士！
或者你會話我喺度玩緊你，話明係水上巴士，又點可以喺陸地行呢？哈，佢又真係水陸兩用喎！廠方喺新聞稿中指出，外形看似玩具車（仲要係鐵皮玩具車）嘅HydraTerra用上100%全新設計，只會浮不會沉，故此它不但以可用作觀光船外，更可以裝上一系列救急裝備充當救援船隻，因為它可在強風、暴雨，又或者係水浸嘅情況下行走，就算係遇到嚴重水浸，它一樣可以照常駛過。
點解HydraTerra會咁勁？就係因為佢裝有1台7.2公升柴油Turbo引擎，最高馬力輸出為210匹，但勝在扭力輸出強橫，再加埋1套自動波箱及AllWheelDrive系統，駕駛輕易之餘，最高時速可達120km/h（陸地）及7海里（海上）勁！至於車廂，不但設有1個闊度達48吋嘅入口，內裏更可接載最多49名乘客，又或是運載重量達3,637公斤的貨物，這可方便運載乘客之餘，也方便運送各項緊急拯救用具。
記者：鄭達基
