回歸九年,北京始終唔放心港人治港,所以中聯辦不但不撤,反而愈嚟愈多人,而工聯會呢類基層組織,更日益壯大,同本地民間組織對着幹,爭取民心。
好似工聯會屬下一個名為「教育工作人員總工會」,噚晚喺尖東一間酒店舉行第一屆理事會就職禮,就請到中聯辦社會工作部部長張鐵夫出席,鍾意搞親疏有別嘅煲呔就派李國章局長去捧場。
梗係啦,工聯會會長鄭耀棠係行會成員,領導譚耀宗係立法會議員,一定要畀面。
八方睇吓會長余啟津嘅演講詞,話要以基層教師、整個教育界同社會嘅利益為依歸,又話明白工會不能脫離群眾,就知來者不善,擺明係出嚟同張文光嘅教協搶生意。選舉雖然仲有排,工作要先做好。
教協實在要小心,如果李國章支持工聯會另起爐灶,以後張文就冇得咁大聲嘈政府喇。
傳真︰2623-9278
電郵︰[email protected]