【本報訊】有一些關懷，永遠說不出口。如果可以選擇，Connie的父親或許會照顧女兒一輩子，給她永遠的護蔭，不讓這個世界損她絲毫，只是爸爸也會無能為力，特別是當他的對手是整個社會的歧視眼光；他所能做的，是央求企業老闆收留他患有輕度智障的女兒，然後暗地裏向老闆支付女兒的月薪，為她換來工作生涯中，最快樂、最有尊嚴的時光。 記者：張嘉雯
「我覺得好開心，因為老闆對我好好。」Connie的智能稍遜，02年完成薄扶林技能訓練中心的三年辦公室助理訓練，獲青衣一所公司聘用，老闆待她真的好，給她辦公室工作的機會，沒有惡意挑剔她的工作能力，而且每月給她數千元薪金，但三個月愉快光陰的背後，原來是爸爸的功勞。
「唔想問阿爸攞錢」
「係Daddy畀錢啲人請我，我完咗份工之後聽到daddy同人講嘅。」世界很殘酷，爸爸無法守候女兒一生，Connie父親是裝修工人，母親做清潔，兩人年逾50歲，離開了這個工作崗位後，Connie一直想找文職工作，每天在家中打三、四個電話，又努力上網搜尋，「打電話去，又話請咗人。」
結果她輾轉當過售貨員，賺取每日50元，又試過派傳單，做了兩個月，卻因為「派得慢」被炒魷，「Daddy會畀錢我用，同我講，唔緊要啦，搵過份工囉！」數月前，Connie在黃大仙賣小食，結果做了兩星期，被老闆斥責她不專心，回到家裏，都只有跟父親哭訴，「佢叫我吸取呢次教訓，下次要做得好啲。」
她現在最大的希望是盡快找到工作，「因為想賺到錢……（為何想賺錢？）因為唔想問阿爸攞錢……爸爸有時會冇工開。」
「如果係我，我都會咁做。」其中一名女兒患了唐氏綜合症的皮膚科醫生史泰祖說，「希望丹丹（其女）啲時間可以有用，其實好多智障人士都好嚮往參與群體活動、工作、交朋友、愛情生活咁，普通人覺得漫不經心、唔當係一回事嘅嘢，對佢哋嚟講都好寶貴。」
盼能平等參與社會
「試過好幾次，佢返嚟大喊，話坐小巴有人不停望佢。」女兒的眼淚，最教父親心痛，「可能啲人覺得特別，但其實咁係好唔禮貌，有啲人仲會拍吓身邊嘅人，叫佢哋一齊望。我咪惟有安慰丹丹，你接受過傳媒訪問，又去過保護維港、7.1又攞支旗行前，你好出名㗎，人哋認得咪望囉。」史泰祖希望，女兒可以有平等參與社會的權利，可以守護自己的下半生。