我Fanny最鍾意放工同班Friend圍埋吹水，上水呢間「基圍小館」夏天就食潮州打冷，冬天就有邊爐打，我一星期至少嚟兩次，大大話話都幫襯咗10年！老闆B哥煮餸好不在講，我哋仲可以自設Menu㖭，記得有次我同朋友喺其他餐廳食過椒鹽斑腩，覺得好好味，咪叫老闆煮畀我哋食囉，老闆二話不說便炒畀我哋食，仲將斑腩改為脆肉鯇，咬落去質感極佳。咁都唔止呀，老闆知我腌尖，特別為我設置一張私家櫈，每次嚟到都有張靚櫈坐，服務夠晒貼心又親切，抵讚！
Profile
Fanny，大學公關，芳齡秘密，最愛吃辣，老闆整嘅椒鹽脆肉鯇辣味重，啱晒口味。
基圍小館（26715903）
地址：上水新勤街新寶大廈E座地下
