東涌唯一洋房項目藍天海岸水藍天，啱啱錄得首宗租務成交，作為東涌區首個成功租出嘅洋房，呎租梗有指標作用啦，不過，事實係呢宗成交冇乜參考價值，點解咁講？美聯梁漢昇話，由於租客係物流公司I.T.部門主管，之前租開愉景灣獨立屋，有晒證明，業主好放心，由原本月租叫6萬蚊，一減減到4萬蚊成交，減幅33.3%，間屋2312呎，呎租只係17.3蚊，比起較舊嘅愉景灣洋房，平均呎租20蚊，仲要平十幾個巴仙。
業主?舊年4月以約2314萬買入，月收4萬蚊，租金回報率只得兩厘多啲，少成咁都制，業主話有租收總好過丟空間屋喎。
不過，對𠵱家放緊租嗰15座洋房嘅業主嚟講，就肯定唔係好消息嘞，佢哋普遍叫緊月租5.5萬蚊，呢個價出咗之後，想租貴啲就有一定難度?。