香港地嘅出版業，有人當係豬頭骨，愈做愈難啃；亦有人當係寶，三顧草廬係要買。華華講嘅唔係滯咗喺度嘅《信報》，而係一間叫做博施嘅出版社，由CommunicationManagement（CM）手上100%買晒佢哋嘅刊物。
CM旗下刊物，港人最熟悉的應該係《美好家居》（HomeJournal），同埋一本英語商業月刊《HongKongBusiness》。不過，佢哋最值錢嘅其實係AsianTatlers，呢本月刊喺上海、北京、星馬泰同菲律賓都有，呢樣亦係間公司最值錢嘅地方。
CM係由毛顯達同太太毛馬家敍喺1978年成立，出版嘅刊物內容以生活時尚、企業同服務為主。
買家博施嘅來頭亦唔細，佢哋係瑞士嘅上市及通訊集團，喺當地出版3份主要日報，全球18個國家都有佢哋發行嘅刊物。博施喺香港嘅附屬公司EdipresseAsia行政總裁BarrieGoodridge好雄心壯志咁話，手上有好幾個新嘅大計，包括諗住喺嚟緊嘅6至12個月內，開拓至少兩個新亞洲市場喎。