意大利首仗令人眼前一亮，惟獨祖雲達斯老金童迪比亞路斯人獨憔悴。禮拜二對當地青年隊嘅練習比賽，心情好唔靚嘅迪比亞路好茅咁撞跌個細路，教練納比諗住搭膊頭叫佢冷靜啲，點知佢眼尾都唔望教練就咁行咗去。判官明白迪比亞路睇住東尼、基拿甸奴做正選，自己淪為閒人好唔開心，但係納比脾氣亦唔好，今次咁樣落對方面，因住今屆賽事都做後備啊！