吳倩蓮已經好耐冇喺香港拍戲，近幾年來佢都係主力拍劇，自從佢同庹宗華分手之後，再冇聽到佢嘅感情生活係點，但最近佢喺內地拍劇集《海上傳奇》時，就同記者話自己就快會結婚，男友係台灣人，一直喺美國做嘢嘅，小倩話男友好鬼鍾意潛水，呢段感情令佢好開心，婚期好快會話畀大家知，小倩笑得好甜話：「我們會結婚吧！不會等太久啦！」