香港地產商把持住經濟命脈，影響力比起乜乜政協、物物高官都要大，作為亞洲區內主要對手嘅新加坡，都有唔少猛料地產商，例如當地排名第二嘅上市公司吉寶置業，佢喺中國、東南亞以至澳洲多個國家，都有物業發展，包括工商住以及酒店、商場同城鎮項目，同時，亦同香港地產商合作，早年就夥拍長實同埋香港置地，聯手發展靠近濱海灣綜合度假勝地（IR）嘅商業城（BFC）項目。
蘭西要介紹佢，係因為間公司啱啱攞咗國際房地產項目大獎。
呢個獎係由國際房地產聯盟搞嘅最佳房地產項目大賽（FIABCI），吉寶置業嘅濱海區項目CaribbeanatKeppelBay攞咗住宅類別冠軍，而附近嘅HarbourFrontOfficePark則拎咗個寫字樓及工業類別季軍。而今次亦係吉寶置業第5次攞獎。
呢個大賽喺92年開始每年舉行一次，今年喺泰國曼谷舉行頒獎，而評審團全部都係世界級房地產專家，名副其實擁有國際性視野。