摩登購物狂：E神嫂都掃　DressCamp妖到爆

今期東洋品牌走勢，無疑以UNDERCOVER及Bape兩者叮噹馬頭，先後在本地開店聲勢固然一時無兩，但港人往東京掃貨好比走轉銅鑼灣咁Easy，當發覺南青山最Glam品牌DressCamp才是當頭起，連老佛爺KarlLagerfeld都點名稱讚，本地潮星有容祖兒及E神嫂徐濠縈力撐，時裝友Wyman及黎堅惠大寫，今勻姍姍來遲，剛剛登陸本地名店D-mop，抵港款式未算太妖，反而其高企價位先夠嚇人，不過都值季尾減價時段，有心妖一妖湊興入貨的不妨再畀耐性等一等！

記者：吳小明
攝影：林栢鈞
Model：OdraA.@StarzPeople
MakeUp&Hair：AngelWong

日本Versace

作為日本最炙手可熱新牌，DressCamp於04春夏系列一出便引來時裝界廣泛討論，因為其設計跟一般日本成名設計師風格南轅北轍，不玩概念裁剪，喜好華麗浮誇，出道最初甚至被形容為日本的Versace（Japan'sAnswertoVersace），但設計師岩谷俊和於日本橫濱的BunkaInstitute修讀男裝設計，從未出國留學及工作，是以這份鶴立雞群更加叫日本時裝傳媒嘖嘖稱奇，連着開DiorHomme的老佛爺KarlLagerfeld亦曾連番點名盛讚，十分有計。

設計師岩谷俊和

■DressCampAnimalPrint雪紡RafflesTop$7,850、三個骨牛仔褲$4,850

■浮誇的金鈕

■金線繡花品牌Logo

專門店亦夠誇

去年年頭DressCamp於潮人必到的南青山區開設專門店，聲勢更上層樓，本地時裝名人Wyman及黎堅惠都曾專文撰寫此店，頓成潮人遊東京景點之一，店子裝修風格一如其衫，大大盞水晶燈配坐地滙豐獅子飾櫃，一味夠誇，唔買衫單睇舖都極具娛樂性。

■滙豐獅子坐鎮，氣勢逼人。

■金光璀璨叫人迷。

男裝底褲響朵

一如日本品牌喜玩Crossover，DressCamp多年以來的合作單位亦多，例如去年於伊勢丹大賣Champion×DressCamp系列，之前亦曾跟法國白飯魚名牌SpringCourt合作推出W-name作品，連只作網上發售的男裝「底橫」都賣個滿堂紅，人紅起來真係勢不可當。

■DressCamp白色T恤$1,890、紅色印花迷你裙$4,480、Moussy草帽$480

■去年6月日本《裝苑》介紹過Champion×DressCamp。

■這款男裝底橫專登在B位加以誇張，又加閃石箭嘴示意位置，相當玩嘢，難怪只作日本國內網上發售都賣斷市。

潮人力捧！

KarlLagerfeld去年讚過，到今年年頭來港出席ChanelHauteCoutureShow時，亦依然對DressCamp讚口不絕，仍然係新歡未成舊愛。

黎堅惠

Wyman

春夏艷舞女郎

DressCamp今季春夏極為Exotic，以傾國傾城的艷舞女郎MataHari為靈感，因為其間諜身份而遭槍殺，身世極為傳奇。為了表達這一份亦正亦邪的妖艷，設計師岩谷俊和以大量狂野的AnimalPrint圖案、加入和風花卉波浪綑邊的裝飾細節，再鋪排火閃的Swarovski水晶點綴，構成極其堆砌華麗的一個系列。