楊思琦昨日穿上紅色低胸裝出席金至尊宣傳活動，美艷動人，她表示今次出席活動酬勞豐厚，大會還送上價值萬多元的鑽石頸鏈，令她開心不已。問思琦可曾收過男友李永豪所贈的鑽飾？她甜絲絲地說：「佢送過一條頸鏈畀我，媽咪就送過一隻鑽石戒指，算係最寶貴嘅。」
打無綫工有錢途
思琦坦言喜歡收禮物，但若然對方送的是戒指，則要看送禮的背後意思，她說：「如果只係禮物性質嘅話我會收，若果有其他意思就唔收住喇！𠵱家都係工作緊要，佢（李永豪）都未諗到要談婚論嫁。」
問到男友可有送上戒指？思琦就說：「佢知道戒指對我嘅意義係好大，所以都未敢送戒指。」
此外，司儀黎文卓笑言在無綫工作收入少，未必可以儲到錢買鑽飾，對此思琦表示不同意，她說：「其實儲唔儲到錢都係睇你自己嘅態度，同埋理財方法。」
採訪、攝影：王連連
