今日小弟重心推介場次係瑞典對巴拉圭，我認為瑞典今場贏波無問題。
瑞典話晒都係歐洲區外圍賽入球率最高，上場就算出盡全力對住千里達，都只能0:0完場；其實成場波瑞典絕對踢得唔差，進可攻，退可守，怪就怪千里達門將希斯納上晒身，將瑞典嘅攻門一一瓦解。從上場波可以睇到，兩大前鋒伊巴謙莫域同軒歷拿臣都相當弗，加上中場嘅左右路有韋希姆臣同龍格保上前支援，睇嚟要入波真係唔難。
巴拉圭破關乏力
相反巴拉圭上場因隊長甘馬拉擺個老烏而輸畀英格蘭，話就話唔抵，但係可以見到呢隻「圭」面對對手高空攻勢時都幾騰雞，而瑞典兩大前鋒都係頂得之人，睇嚟今場巴拉圭想唔失波都幾難；攻力方面，傷癒復出嘅射手辛達告魯斯狀態明顯不足，而希度華迪斯亦無一夫當關嘅能力，因此上場對住英格蘭時都可以見到呢班波攻力真係相當差，想係近三場波只失一球嘅瑞典身上入球，真係無咁易。
呢場波真係諗都唔使諗，瑞典讓半球，一於撐上盤，博瑞典贏波。
阿聲
有線球彩台「06世界Bar」
今日播映時間：7:00pm至5:30am
PHONE波熱線：1831678