一班明星足球隊隊員昨日如常到球場練波，許志安和李克勤在樂壇鬥個你死我活，在球場上也不例外，安仔的球技更吸引到場外一位婆婆不停要求合照，有幸獲垂青，就算比賽中途，安仔也要衝出球場與婆婆合照。
明星足球隊每星期都會練波，別以為世界盃期間，各人就只顧睇波不願練習，昨日一班明星足球隊隊員如常在順天邨球場練波，出席球員包括李克勤、許志安、林敏驄、羅家英和吳國敬等，眾人分開紅黃兩隊作賽，吸引不少街坊圍觀。
現場所見，黃組的克勤與紅組的安仔踢得非常落力，二人在樂壇上各不相讓，在球場上也鬥個你死我活，安仔和克勤不時搶波互攻，爭波時更非常肉緊，鬥到難分難解。
「巴西係趕客波」
羅家英等人則如旁觀者般行行企企，不知是否因為安仔表現落力，連場外的婆婆也被他深深吸引，不停在球場邊要求與他合照，安仔見狀連波也不踢，步出球場與婆婆合照，安仔說：「呢度啲街坊真係幾好人，我哋成日都喺度踢波，佢哋都好捧場㗎！」
克勤笑說看完世界盃即時腳癢癢，所以一定要落場踢波滿足一番，對於昨日凌晨巴西對克羅地亞的賽事，克勤說：「睇到半場都頂唔順，要留番朝早睇，呢啲可以俗稱係趕客波，如果朗拿度（Ronaldo）都得，咁阿倫（譚詠麟）都得啦，我都未見過有180磅嘅神射手，聽講佢哋（指巴西）一去到瑞士就去當地夜總會，兩個小姐同半隊球隊打咗場友誼波嘛，所以佢哋咪踢到好似行行企企囉。」克勤表示睇南韓隊比賽也比巴西隊好看，因為南韓踢得非常有heart。
採訪：胡比
攝影：仇志德
