台灣中天電視頻道有個節目叫《全民大悶鍋》，當中有一個環節《芒果亂報》，擺到明玩《蘋果日報》。佢哋搵咗個人扮肥佬黎做主持，嘻笑怒罵諷刺時弊。噚日《大悶鍋》請咗個稀客上嚟玩，就係黎智英，於是悶鍋上演一場假肥佬黎「拷問」真肥佬黎。
八方聽聞，肥佬黎錄影前冇對劇本，亦冇限定講乜，任由成班主持問，仲話好玩，但佢承認緊張，竟然成日攞手巾仔抹汗；而最後令肥佬招架唔住嘅，就係要佢即場唱歌！
呢個節目周五晚十點鐘播，香港唔知有冇得睇。另外，前日肥佬亦出席台北市雜誌商業同業公會主辦嘅大師對談，同詹宏志講「我對媒體經營的看法」，聽講內容都好精采。
傳真︰2623-9278
電郵︰[email protected]