陳沛嘉和陳淑蘭前晚出席慈善晚會，問到好友林炳昌牽涉入先科國際前主席行賄造市案，日前被裁定串謀妨礙司法公正罪成時，陳沛嘉眼濕濕地表示早前一班好友已到上環觀音廟為他祈福，蘭子則大讚林炳昌為人有義氣。
陳沛嘉（Balia）、陳淑蘭、甄子丹與太太汪詩詩一家等，前晚於金鐘港麗酒店，出席香港苗圃行動、中國青少年基金會的慈善晚會，甄子丹更是晚會的愛心大使，以鋼琴演奏蕭邦樂曲助興。
「我永遠支持佢」
穿林樹彬設計的deepV性感晚裝到場的Balia，對於好友林炳昌牽涉入先科國際前主席行賄造市案，日前被裁定串謀妨礙司法公正罪成一事，她眼濕濕地說：「心情好差，好擔心佢，上個禮拜我哋一圍枱八個人食飯，仲諗住點慶祝，個個都好正面，估唔到係咁，總之我永遠都會支持佢。」
Balia續說：「法律有佢哋觀點，不過佢作為朋友，對公司同事、仔女都好好。判刑之前，我哋成班仲去咗上環觀音廟上香，希望佢大步檻過，希望佢堅強。」
蘭子則表示早前與林炳昌夜遊蘭桂坊，開解對方，她說：「佢同我講自己對得住天地良心，不過法律嘅嘢好難講，佢個人好有義氣，朋友來自五湖四海，好似我之前嗰單交通意外，幫我搵好好律師。好似清洪幫我。佢仲應承我如果冇事，會幫襯我買一隻最貴嘅表。」
問到蘭子可認識林炳昌的女友周飛言？她語帶暗示地說：「我所識嘅人、朋友、朋友嘅男朋友都唔會囉。」
此外，蘭子抱怨地說：「好似我上次嗰單交通案話我不顧而去，法律話要24小時要處理，我已經喺12小時內處理，都要判我三項罪名成立，可能係我靚女過女法官。」
採訪：DebbieLum
攝影：MatthewLam
