陳奕迅（Eason）前晚踢拖現身機場，往印度探訪當地患有眼疾及失明的小朋友，並帶了畫冊準備收集失明兒童的手印。雖然當地衞生較差，但Eason只打了三支預防針，為免受副作用影響，更拒打防瘧疾針。
早前獲委任為奧比斯光明大使的陳奕迅，前晚現身赤鱲角機場，準備出發往印度新德里作親善探訪。踢拖上陣的Eason，帶備了一本手印畫冊，準備收集當地失明小朋友的手印。Eason表示全球有140萬小朋友失明，所以他希望在當地向這些小朋友收集手印，讓視力正常的人感受失明人士之苦，他說：「因為啲小朋友失明，所以佢哋只係可以用手去接觸親人，喺咁多嘅缺陷之中，失明係最慘，所以想帶出呢個訊息出嚟。」
足球做禮物
Eason續稱將會為奧比斯寫一首歌，並希望可以在當地取得靈感。談到印度衞生較差，問他是否已打足了預防針？Eason說：「我打咗三支預防針，包括防日本腦炎，霍亂同肝炎嘅，反而醫管局主張打嘅防瘧疾針我就冇打到，因為佢副作用好大，返嚟又要食四個禮拜藥。」問他會否擔心患上瘧疾時，他笑言：「唔驚，我怕副作用多啲，上次我去過加爾各答，有過經驗，呢啲地方好多蚊，所以帶定長袖淺色外套，重要過打針食藥。」
近日世界盃成全城熱話，Eason亦準備了大量迷你足球，送給當地的小朋友，他說：「我去買嗰陣一個都買唔到，後尾要同老闆訂。佢知我做善事，仲話唔收錢，不過我就話唔使，自己畀番。」
採訪、攝影：張俊銘
