厄瓜多爾上場對住波蘭既表現令人刮目相看，諗住冇咗高原主場之利會走晒樣，點知就愈踢愈好，加上波蘭改踢4-5-1陣式，前線攻力唔夠，輸波絕對正路。
瑞典背水一戰必拼
今場對住哥斯達黎加，只要贏波就可以晉身16強，所以今場肯定唔會放軟手腳。相反哥斯達黎加上場對住德國，攻守力認真麻麻，如果唔係德國有個豆腐後防，都唔會畀雲祖柏梅開二度。睇過兩隊波上場嘅表現，今場一於揀個主客和嘅主勝。
另一場推介係瑞典對巴拉圭。瑞典上場對住千里達，贏唔到波認真唔夠運，成場波都壓住嚟打，仲要人多打人少，可惜埋門一腳唔夠運，不過都要讚千里達踢得好，完場後成班千里達球員開心到飛起，好似攞咗世界盃冠軍咁。現時瑞典出線形勢未許樂觀，如果要晉身16強既話，今場對巴拉圭實在不容有失，事關最後一場要對住同組實力最強嘅英格蘭，絕對冇贏波嘅把握。
巴拉圭組織力欠佳
巴拉圭上場對住英格蘭，表現冇乜料到，成班波嘅組織力麻麻，進攻速度又唔夠快，如果唔係英格蘭踢得差，都唔使靠巴拉圭中堅甘馬拉擺烏龍，先可以贏波。所以今場都係信有攻力嘅瑞典，揀主客和嘅主勝。
陳樹鵬（阿鵬）
有線球彩台主持
電郵：[email protected]