法國隊前晚首度出擊即食一記悶棍，只能打和瑞士0:0，原因一句講晒：前鋒把握唔到機會。我判官之前講過施斯受傷係好消息，因為呢位前鋒射術唔得之餘，運氣奇差，容乜易累球隊輸波㗎？！呢嗱，前晚贏唔到波就同佢有關喇！原來法國隊上下戴住印有施斯個名嘅護腕上陣，有乜辦法入到波啊？教練杜明尼治咁迷信，應該好講究先啱，下場唔好戴嗰個護腕喇！