上星期五同香港一班行家齊齊過大海，去玩兩手？實情係MAYBACH當日喺嗰邊搞咗個記者會，咁多地方唔揀，揀去馬交當然有其原因，之唔係車廠正式將這部極盡豪華的頂級豪房打入澳門車界。當日車廠展示咗一架長陣版62同57外，還特別在德國總公司請來3位高層，逐一解構這架超豪華房車的過人獨特之處。
人手打造獨一無二的享受
步入大會臨時搭建的迷你展覽廳，已被眼前長陣版62吸引住，深襯淺嘅車身顏色都係最吸引，最令我專注嘅係以人手打造同鑲嵌嘅車廂設備，人手縫製真皮軚環、附設舒適腳墊的真皮躺椅、迷你金屬書枱、全景式玻璃幕車頂。這些「豪裝」還未能滿意你的口味?無問題，車廠可以按客人要求設計出獨一無二的「私家豪房」，小至在頭枕上繡上自己喜愛的圖案，大至加裝Fax機、用不同物料配襯鑲嵌，車廠都可按照要求設計和製造，為令客人可更清晰了解到全架車的每一個部份，車行會向客人提供電腦模擬動畫，像真度有99.9……%，睇住電腦嚟設計同揀色，咁就唔怕撞色啦!
澳門睇車香港買車
MAYBACH第一次正式入澳門市場，但礙於澳門仲未設有陳列室，所以如果有澳門豪客想買車，睇中型號之後，可以打電話到香港陳列室訂貨，聽落好似唔係好方便，但客人只要透過互聯網，一樣可以玩電腦模擬揀色揀車款，再打個電話，查實都唔係好麻煩啫，有心買，唔介意嘅!
記者：黃婉冰
攝影：楊錦文
