網站提供即時欣賞內地電視台直播世界盃服務，與BT上載電影或歌曲等的侵權行為是否相同？網主及收看的網民有否因此觸犯法例？律師黃國桐昨日對此表示收看一方絕對沒有犯法，是否侵權純粹網主及電視台之間的問題。
而網主有否侵權則要視乎他與該內地電視台有沒有合作協議，黃律師說：「如果網主同電視台有協議，當然冇問題，如果冇協議，咁就要睇中國有冇加入國際公約，因為除咗基本法有提到嘅嘢，香港同內地嘅法律好唔同，如果中國有參加國際公約，咁電視台可以以法律去追究，由香港法庭處理，基本上中國有好多國際公約都冇加入，以前香港宗主國英國就全部參加晒。」
有線以高價取得世界盃香港全部直播權，有線又可否對網主追究？黃律師說：「如果係播有線節目先有得追究，𠵱家人哋唔係播佢哋節目，所以冇得追究。」