林D9講嘢似袁木 - 李八方

  林D9講嘢似袁木 - 李八方

林D9講嘅嘢,一向唔使理亦唔使聽,事關佢講嚟講去都係三幅被,一定無新嘢畀到大家。噚日佢喺立法會答卿姐問有關反對派同政制問題時,D9梗係又施展佢嘅看家本領,大話西遊一番,啲議員點逼迫佢,都係無佢符。
長毛當然又睇唔過眼幫拖,佢一開口就問,唔知局長識唔識邊個係袁木(曾話「六四」天安門廣場冇死一個人)、李鵬、戈培爾(希特拉宣傳部長)同埋韋小寶?問佢係咪以呢四個人為學習典範?聽到大家𢱑晒頭,范太梗係話佢離晒題啦。
點知長毛查實真係唔係亂嚟,佢繼而就話呢四個人講嘢有一個特點,就係全部都講垃圾,又會將民主多數派打成少數派,係無民主社會下嘅宣傳部長,原來佢都係轉個彎話D9講bullshit。雖然范太唔使D9答,令D9避過尷尬,但相信長毛已經為好多民主派出咗一啖氣咯。

傳真︰2623-9278
電郵︰[email protected]